Πηγή: http://www.synaxarion.gr/gr/index.aspx
και http://vatopaidi.wordpress.com/2011/07/01

Ἀπολυτίκιον. Ἦχος πλ. δ’.
Ἅγιοι Ἀνάργυροι καί θαυματουργοί, ἐπισκέψασθε τάς ἀσθενείας ἡμῶν· δωρεάν ἐλάβετε, δωρεάν δότε ἡμῖν.

Ἕτερον Ἀπολυτίκιον. Ἦχος γ’. Θείας πίστεως.
Θείου Πνεύματος, τῇ χειρουργίᾳ, θεραπεύετε, παντοίας νόσους, σύν Κοσμᾷ Δαμιανέ οἱ Ἀνάργυροι· ὁ γάρ Σωτήρ ἰατρούς ὑμᾶς ἔδειξεν, εἰς περιποίησιν πάντων καί ἴασιν· ὅθεν ῥύσασθε, παθῶν δυσαλθῶν καί θλίψεων, τούς ποθῷ τῷ ναῷ ὑμῶν προστρέχοντας.

Ἕτερον Ἀπολυτίκιον. Ήχος δ’. Ταχύ προκατάλαβε.
Ὡς θεῖοι θεράποντες, καί ἰατῆρες βροτῶν, ἀνάργυρον βλύζετε, τήν θεραπείαν ἠμίν, Ἀνάργυροι ἔνδοξοι, ὅθεν τούς προσιόντας, τή σεπτή ὑμῶν σκέπη, ρύσασθε νοσημάτων, καί παθῶν ἀνιάτων, Κοσμᾶ καί Δαμιανέ, Ρώμης βλαστήματα.

Κοντάκιον. Ἦχος δ’. Ὁ ὑψωθείς ἐν τῷ Σταυρῷ.
Ἐκ τῆς Ἀσίας ὥσπερ δύο ἀστέρες, ἐξανατείλαντες Ἀνάργυροι θεῖοι, τῇ οἰκουμένῃ λάμπετε θαυμάτων ταῖς αὐγαῖς, νόσους μέν ἰώμενοι, καί δεινάς καχεξίας, χάριν δέ παρέχοντες, τοῖς πιστοῖς εὐρωστίας, Δαμιανέ θεόφρον καί Κοσμᾶ, χειμαζομένων, λιμένες πανεύδιοι.

Ἕτερον Κοντάκιον. Ήχος β’.
Οἱ τήν χάριν λαβόντες τῶν ἰαμάτων, ἐφαπλοῦτε τήν ῥῶσιν τοῖς ἐν ἀνάγκαις, Ἰατροί θαυματουργοί ἔνδοξοι· ἀλλά τῇ ἡμῶν ἐπισκέψει, καί τῶν πολεμίων τά θράση καταβάλλετε, τόν κόσμον ἰώμενοι ἐν τοῖς θαύμασι.

Μεγαλυνάριον.
Οἷά περ θεράποντες ἰατροί, ψυχῶν καί σωμάτων, ἀσθενείας ὀδυνηράς, ἰάσασθε τάχος, ἀρρήτῳ ἐπισκέψει, ἡμῶν θαυματοβρύται, σοφοί Ἀνάργυροι.