Πηγή: http://www.synaxarion.gr/gr/index.aspx

Ἀπολυτίκιον. Ἦχος πλ. α’. Τόν συνάναρχον Λόγον.
Τῆς σοφίας τόν λόγον καταπλουτήσαντες, τῆς εὐσέβειας φωστῆρες καί ὑποφῆται σοφοί, ἀνεδείχθητε ἡμῖν Χριστόν κηρύττοντες, Κούαρτε Ἔραστε κλεινέ, Τέρτιε καί Ὀλυμπᾶ, Σωσίπατρε καί Ῥοδίων, Ἀπόστολοι θεηγόροι, φωταγωγοί τῶν καρδιῶν ἡμῶν.

Κοντάκιον. Ἦχος α’. Χορός Ἀγγελικός.
Τριάδος τῆς σεπτῆς, ἐκηρύξατε πίστιν, πολύθεον σοφοί, τῶν εἰδώλων ἀπάτην, ἐκ μέσου ποιήσαντες, ταῖς σεπταῖς διδαχαῖς ὑμῶν· ὅθεν εὕρατε, τήν ἀμοιβήν τῶν καμάτων, αἰωνίζουσαν, ἐν οὐρανοῖς τούς στεφάνους, λαβόντες Ἀπόστολοι.

Μεγαλυνάριον.
Χαίροις Ἐκκλησίας τῆς τοῦ Χριστοῦ, ἡ ἔμπνους λυχνία, ἡ ἑξάφωτος καί λαμπρά· χαίροις Ἀποστόλων, ἑξάστιχος χορεία, δι’ ὧν τά ὑπέρ λόγον, μυσταγωγούμεθα.