Πηγή: http://www.synaxarion.gr/gr/index.aspx

Ἀπολυτίκιον. Ἦχος α’. Τῆς ἐρήμου πολίτης.
Μυροβλήτην τόν θεῖον καί Μαρτύρων τόν σύναθλον, τόν πανευκλεῆ Ἱεράρχην καί Περγάμου τόν πρόεδρον, τιμήσωμεν Ἀντίπαν οἱ πιστοί, ὡς τάχιστον καί μέγαν ἰατρόν, τῆς δεινῆς ὀδόντων νόσου, καί πρός αὐτόν ἀπό ψυχῆς βοήσωμεν· δόξα τῷ σέ δοξάσαντι Χριστῷ, δόξα τῷ σέ στεφανώσαντι, δόξα τῷ ἐνεργοῦντι διά σοῦ, πᾶσιν ἰάματα.

Κοντάκιον. Ἦχος πλ. δ’. Τῇ ὑπερμάχῳ.
Τόν Ἱεράρχην καί κλεινόν Μεγαλομάρτυρα,
Τόν πολιοῦχον τῆς Περγάμου τόν πανάριστον
Καί ἐχθροῦ κοινοῦ ἀντίπαλον τόν Ἀντίπαν
Κατά χρέος εὐφημήσωμεν ἐν ᾄσμασιν
Ὡς τούς πάσχοντας ὀδόντας θεραπεύοντα·
Πόθῳ κράζοντες, χαίροις, Πάτερ τρισόλβιε.

Μεγαλυνάριον.
Ὁ Περγάμου πρόεδρος καί φρουρός, καί τῆς εὐσεβείας, θεορρήμων ὑφηγητής, ὁ τῶν Ἀποστόλων, ὁμόχρονος καί σύμπνους, τιμάσθω μοι Ἀντίπας, ὁ ἱερόαθλος.