Πηγή: http://www.synaxarion.gr/gr/index.aspx

Ἀπολυτίκιο. Ἦχος α’. Τῆς ἐρήμου πολίτης.
Τῶν σωμάτων τάς νόσους θεραπεύων Διόμηδες, καί ψυχῶν τήν ῥῶσιν ἐν λόγῳ, ἀληθείας ἐβράβευες· τήν θείαν εἰληφώς γάρ δωρεάν, τοῖς πάσχουσι ποικίλως βοηθεῖς· καί Μαρτύρων ταῖς ἀκτῖσι, καταυγασθείς, σώζεις τούς ἐκβοῶντάς σοι· δόξα τῷ σέ δοξάσαντι Χριστῷ, δόξα τῷ σέ στεφανώσαντι, δόξα τῷ ἐνεργοῦντι διά σοῦ πᾶσιν ἰάματα.

Κοντάκιον. Ἦχος πλ. β’. Τήν ὑπέρ ἡμῶν.
Τήν ἰατρικήν, κτησάμενος ἐπιστήμην, τῆς ἀθλητικῆς, ηὐμοίρησας εὐκληρίας, ὡς κήρυξας ἐνδόξως, Χριστόν τόν Θεόν ἡμῶν, παμμακάριστε Διόμηδες, Ἀναργύρων ἐγκαλλώπισμα, καί προστάτα τῶν βοώντων σοι· Αὐτός γενοῦ ἰατήρ, τοῖς σοῖς δούλοις σοφέ.

Μεγαλυνάριον.
Χάριν ἰαμάτων ἀπολαβών, ψυχῶν καί σωμάτων, θεραπεύεις πάθη δεινά· ὅθεν κἀμοί νεῖμον, Διόμηδες παμμάκαρ, ὑγείαν τήν κατ’ ἄμφω, ἵνα γεραίρω σε.