Πηγή: http://www.synaxarion.gr/gr/index.aspx

Ἀπολυτίκιο. Ἦχος δ’. Ὁ ὑψωθεῖς ἐν τῷ Σταυρῷ.
Ὡς φοιτητής τῶν ἱερῶν Ἀποστόλων, τῆς εὐσεβείας ὑποφήτης ἐδείχθης, καί τήν τοῦ Λόγου σάρκωσιν ἐκήρυξας τρανῶς· ὅθεν ἐνδιέπρεψας, μαρτυρίου τοῖς πόνοις, θαύμασι τῆς πίστεως, βεβαιώσας τόν λόγον. Ἱερομάρτυς Πάτερ Εὐτυχές, Χριστόν δυσώπει, ὑπέρ τῶν ψυχῶν ἡμῶν.

Κοντάκιον. Ἦχος δ’. Ἐπεφάνης σήμερον.
Εὐτυχίας κρείττονος κατατρυφήσας, Εὐτυχές μακάριε, ὡς ἱερεύς καί ἀθλητής, Χριστόν ἀπαύστως ἱκέτευε, πάσης ἀνάγκης ῥυσθῆναι τούς δούλους σου.

Μεγαλυνάριον.
Σύμπονος καί σύμπνους ἀναδείχθης, Εὐτυχές θεόφρον, Ἀποστόλων τῶν τοῦ Χριστοῦ, μέγιστον ἀξίως, εἰσεποιήσω κλέος, καί τῶν παθῶν Κυρίου, Μάρτυς γεγένησαι.