Πηγή: http://www.synaxarion.gr/gr/index.aspx

Ἀπολυτίκιον. Ἦχος α’. Τῆς ἐρήμου πολίτης.
Ἐκ νεότητος Μῆτερ τόν Χριστόν ἀγαπήσασα, κόσμου τά τερπνά ὑπερεῖδες, καί μνηστῆρα τόν πρόσκαιρον, καί ἤσκησας ἰσάγγελον ζωήν, Ὁσία Εὐπραξία ἐπί γῆς· διά τοῦτο ἐδοξάσθης παρά Χριστοῦ, καί ᾔσχυνας τόν δράκοντα· δόξα τῷ δεδωκότι σοι ἰσχύν, δόξα τῷ σέ στεφανώσαντι, δόξα τῷ ἐκπληροῦντι διά σοῦ ἡμῶν τά αἰτήματα.

Κοντάκιον. Ἦχος πλ. δ’. Τῇ ὑπερμάχῳ.
Τήν τῶν παρθένων καλλονήν καί ὑποτύπωσιν
Καί τῶν ὁσίων στηλογράφημα καί σέμνωμα
Τήν Ὁσίαν εὐφημήσωμεν Εὐπραξίαν·
Ἀρετῶν γάρ εὐπραγίαις διαλάμπουσα
Νύμφη ὤφθη τοῦ Σωτῆρος θεοδόξαστος.
ᾟ βοήσωμεν· χαίροις Μῆτερ ἰσάγγελε.

Μεγαλυνάριον.
Χαίροις Εὐπραξία νύμφη Χριστοῦ· χαίροις παρθενίας, καί ἀσκήσεως λαμπηδών· χαίροις ἡ τῆς δόξης, τρυφῶσα τοῦ Κυρίου· ᾧ πρέσβευε σωθῆναι, τούς σέ γεραίροντας.