Πηγή: http://www.synaxarion.gr/gr/index.aspx

Ἀπολυτίκιον. Ἦχος α’. Ἐν Ἰορδάνῃ.
Τῆς χαμαιζήλου τρυφῆς σοφῶς τήν ἀπόλαυσιν, ὑπεριδοῦσα πρός θεῖα ἤρθης σκηνώματα, καί τῶν ἰάσεων τοῖς πιστοῖς πηγήν κατέλιπες, τό ἱερόν σου σκῆνος Μῆτερ πανεύφημε, Ἐπιβατῶν τό καύχημα τό σεπτόν, καί βεβαία προστάτις Παρασκευή. Μή παύσῃ θερμῶς Χριστῷ τῷ Θεῷ, ὑπέρ ἡμῶν ἀεί πρεσβεύουσα.

Ἕτερον Ἀπολυτίκιον. Ἦχος α’. Τῆς ἐρήμου πολίτης.
Ὥσπερ βλάστημα θεῖον Ἐπιβάται τιμῶσί σε, καί ἡ Καλλικράτεια Μῆτερ ὡς προστάτιν καί ἔφορον· παρέχεις γάρ ἀεί Παρασκευή, ὡς χάριν κεκτημένη ἐκ Θεοῦ, τῆς θερμῆς σου προστασίας τάς δωρεάς, τοῖς εὐλαβῶς βοῶσί σοι· δόξα τῷ δεδωκότι σοι ἰσχύν, δόξα τῷ σέ σταφανώσαντι, δόξα τῷ ἐνεργοῦντι διά σοῦ, πᾶσιν ἰάματα.

Κοντάκιον.Ἦχος πλ. δ’. Τῇ ὑπερμάχῳ.
Ὡς δοξασθεῖσα δωρεᾷ τῇ ὑπέρ ἔννοιαν
Παρασκευή τῇ ἐναρέτῳ πολιτείᾳ σου
Ἀφθαρσίᾳ τό σόν σκῆνος ἐθαυμαστώθη,
Ἁγιάζον τούς προστρέχοντας τῇ σκέπῃ σου
Τῇ ἐν τούτῳ ἐνοικούσῃ θείᾳ χάριτι
Καί βοῶντάς σοι, χαίροις Μῆτερ ἰσάγγελε.

Μεγαλυνάριον.
Χαίροις θεοφόρε Παρασκευή, Ἐπιβατῶν γένος, καί ἀγλάϊσμα ἱερόν· τῆς Καλλικρατείας, χαῖρε ἡ προστασία, καί Ὀρθοδόξων πάντων, τό ἐγκαλλώπισμα.