ΔΟΞΟΛΟΓΙΑ
ΕΠΙ ΤΗ ΠΡΩΤΗ ΤΟΥ ΝΕΟΥ ΕΤΟΥΣ
Ο Διάκονος
Ευλόγησον, Δέσποτα.
Ο Ιερεύς
Ευλογητός ο Θεός ημών, πάντοτε νυν και αεί και εις τους αιώνας των αιώνων.
Ο Χορός Αμήν.
Απολυτίκιον της εορτής.
Ήχος α’.
Μορφήν αναλλοιώτος ανθρωπίνην προσέλαβες, Θεός ών κατ’ ουσίαν πολυεύσπλαχνε Κύριε και νόμον εκπληρών, περιτομήν θελήσει καταδέχη σαρκικήν, ίνα παύσης τα σκιώδη και περιέλης το κάλυμμα των παθών ημών. Δόξα τη αγαθότητι τη ση, δόξα τη ευσπλαχνία σου, δόξα τη ανεκφράστω, Λόγε, συγκαταβάσει σου.
Το Απολυτίκιον του Αγ. Βασιλείου.
Ήχος α’.
Εις πάσαν την γήν εξήλθεν ο φθόγγος σου, ως δεξαμένην τον λόγον σου, δι’ ού θεοπρεπώς εδογμάτισας, την φύσιν των όντων ετράνωσας, τα των ανθρώπων ήθη κατεκόσμησας. Βασίλειον ιεράτευμα, πάτερ όσιε, Χριστόν τον Θεόν ικέτευε δωρήσασθαι ημίν το μέγα έλεος.
Το Κοντάκιον της Ινδίκτου.
Ήχος δ’. Ο υψωθείς.
Ο των αιώνων ποιητής και Δεσπότης, Θεέ των όλων υπερούσιε όντως, την ενιαύσιον ευλόγησον περίοδον, σώζων τώ ελέει σου τώ απείρω Οικτίρμον, πάντας τους λατρεύοντάς σοι τώ μόνω Δεσπότη, και εκβοώντας φόβω, Λυτρωτά, εύφορον πάσι, το έτος χορήγησον.
Είτα Στίχους εκ της Δοξολογίας.
Δόξα σοι τώ δείξαντι το φώς. Δόξα εν υψίστοις Θεώ, και επί γής ειρήνη, εν ανθρώποις ευδοκία.
Υμνούμέν σε, ευλογούμέν σε, προσκυνούμέν σε, δοξολογούμέν σε, ευχαριστούμέν σοι, διά την μεγάλην σου δόξαν.
Ευλόγησον τον στέφανον του ενιαυτού της χρηστότητός σου Κύριε.
Πρόσδεξαι την δέησιν ημών, ο καθήμενος εν δεξιά του Πατρός, και ελέησον ημάς.
Ευλογητός εί, Κύριε, ο Θεός των Πατέρων ημών, και αινετόν και δεδοξασμένον το όνομά σου εις τούς αιώνας. Αμήν.
Ευλογητός εί, Κύριε, δίδαξόν με τα δικαιώματά σου (άπαξ).
Παράτεινον το έλεός σου τοίς γινώσκουσί σε.
Άγιος ο Θεός, Άγιος Ισχυρός, Άγιος Αθάνατος, ελέησον ημάς (άπαξ).
Ο Διάκονος
Ελέησον ημάς, ο Θεός, κατά το μέγα έλεός σου, δεόμεθά σου, επάκουσον και ελέησον.
Ο Χορός Κύριε ελέησον (γ’) μεθ’ εκάστην Δέησιν,
Ο Διάκονος
Έτι δεόμεθα υπέρ των ευσεβών και ορθοδόξων χριστιανών.
Έτι δεόμεθα υπέρ του Αρχιεπισκόπου ημών (του δείνος) και πάσης τής εν Χριστώ ημών αδελφότητος.
Έτι δεόμεθα υπέρ τού ευσεβούς ημών Έθνους, πάσης Αρχής και Εξουσίας εν αυτώ, τού κατά ξηράν, θάλασσαν και αέρα φιλοχρίστου Στρατού, και υπέρ του Κύριον τον Θεόν ημών επί πλέον συνεργήσαι και κατευοδώσαι αυτούς εν πάσιν.
Έτι δεόμεθα υπέρ ευκρασίας αέρων, ευφορίας των καρπών τής γής και καιρών ειρηνικών, και υπέρ τού ευλογηθήναι τον νέον ενιαυτόν της χρηστότητος του Κυρίου.
Έτι δεόμεθα υπέρ τού διαφυλαχθήναι την αγίαν Εκκλησίαν και πόλιν (ή την χώραν, ή την κώμην, ή την νήσον) ταύτην και πάσαν πόλιν και χώραν, από λιμού, λοιμού, σεισμού, καταποντισμού, πυρός, μαχαίρας, επιδρομής αλλοφύλων, εμφυλίου πολέμου, και αιφνιδίου θανάτου, υπέρ του ίλεων, ευμενή και ευδιάλλακτον γενέσθαι τον αγαθόν και φιλάνθρωπον Θεόν ημών, του αποστρέψαι και διασκεδάσαι πάσαν οργήν και νόσον την καθ’ ημών κινουμένην, και ρύσασθαι ημάς εκ τής επικειμένης δικαίας αυτού απειλής, και ελεήσαι ημάς.
Ο Χορός Κύριε, ελέησον κατ’ επανάληψιν (χύμα ως είθισται) πραεία τη φωνή
Ο Διάκονος
Έτι δεόμεθα και υπέρ τού εισακούσαι Κύριον τον Θεόν ημών φωνής τής δεήσεως ημών των αμαρτωλών και ελεήσαι ημάς.
Ο Χορός Αμήν.
Ο Διάκονος
Του Κυρίου δεηθώμεν.
Ο Χορός Κύριε, ελέησον.
Ο Ιερεύς την Ευχήν ταύτην.
Κύριε ο Θεός ημών, ο καιρούς και χρόνους εν τη ιδία εξουσία θέμενος, ο άναρχος και ατελεύτητος και επέκεινα παντός χρόνου νοούμενος τε και υπάρχων, ο πάσης εκτός μεταβολής τε των όντων και αλλοιώσεως, ο τον πάντα χρόνον τον τε γεγονότα τον τε όντα και τον εσόμενον πληρών, ο εν τη αφάτω σου μακροθυμία καταξιώσας ημάς εις νέον ενιαυτόν εισελθείν, αυτός πανάγαθε Δέσποτα, την είσοδον ταύτην τη θεία σου χάριτι ευλόγησον, όμβρους ειρηνικούς προς καρποφορίαν τη γή δώρησαι, τους αέρας υγιεινούς και ευκράτους ανθρώποις τε και κτήνεσι κατασκεύασον, δός ημίν εν ειρήνη και ομονοία βεβαία τον κύκλον αυτού διελθείν, τώ στεφάνω της δόξης των αρετών κοσμουμένους, τώ φωτί των εντολών σου ευσχημόνως ως εν ημέρα καλώς οδεύοντας. Την αγίαν ημών Εκκλησίαν καλώς διαφύλαξον, το ευσεβές ημών Έθνος τη δυνάμει σου κραταίωσον, τους Άρχοντας ημών και τον Στρατόν τη κραταιά σου χειρί στερέωσον και κράτυνον. Την νεότητα παιδαγώγησον, το γήρας περικράτησον, τούς εσκορπισμένους επισυνάγαγε, τους πεπλανημένους επανάγαγε και σύναψον τη αγία σου Εκκλησία. Ελθέτω δή εφ’ ημάς η βασιλεία σου, βασιλεία πάντων των αιώνων, βασιλεία χρηστότητος, δικαιοσύνης, και ειρήνης, και αξίωσον ημάς εν ενί στόματι και μια καρδία υμνείν σε και δοξάζειν τον εν Τριάδι άναρχον και αιώνιον Θεόν εις τούς αιώνας των αιώνων.
Ο Χορός Αμήν.
Ο Ιερεύς την Απόλυσιν
Δόξα σοι, ο Θεός, η ελπίς ημών, δόξα σοι. Ο εν τη ογδόη ημέρα σαρκί περιτμηθήναι καταδεξάμενος, διά την ημών σωτηρίαν, Χριστός ο αληθινός Θεός ημών….
Δι’ ευχών των αγίων Πατέρων ημών…
Ο Χορός Αμήν.