ΤΕΛΕΤΗ
ΚΟΠΗΣ ΒΑΣΙΛΟΠΙΤΤΑΣ
Ο Διάκονος
Ευλόγησον, Δέσποτα.
Ο Ιερεύς
Ευλογητός ο Θεός ημών, πάντοτε νύν και αεί και εις τους αιώνας των αιώνων.
Ο Χορός Αμήν.
Απολυτίκιον της εορτής. Ήχος α’.
Μορφήν αναλλοιώτως ανθρωπίνην προσέλαβες, Θεός ών κατ’ ουσίαν πολυεύσπλαχνε Κύριε και νόμον εκπληρών, περιτομήν θελήσει καταδέχη σαρκικήν, όπως παύσης τά σκιώδη και περιέλης το κάλυμμα των παθών ημών. Δόξα τη αγαθότητι τη σή, δόξα τη ευσπλαχνία σου, δόξα τη ανεκφράστω, Λόγε, συγκαταβάσει σου.
Το Απολυτίκιον τού Αγ. Βασιλείου.
Ήχος α’.
Εις πάσαν την γήν εξήλθεν ο φθόγγος σου, ως δεξαμένην τον λόγον σου, δι’ ού θεοπρεπώς εδογμάτισας, την φύσιν των όντων ετράνωσας, τά των ανθρώπων ήθη κατεκόσμησας. Βασίλειον ιεράτευμα, πάτερ όσιε, Χριστόν τον Θεόν ικέτευε δωρήσασθαι ημίν το μέγα έλεος.
Το Κοντάκιον της Ινδίκτου.
Ήχος δ’. Ο υψωθείς.
Ο των αιώνων ποιητής και Δεσπότης, Θεέ των όλων υπερούσιε όντως, την ενιαύσιον ευλόγησον περίοδον, σώζων τώ ελέει σου τώ απείρω Οικτίρμον, πάντας τούς λατρεύοντάς σοι τώ μόνω Δεσπότη, και εκβοώντας φόβω, Λυτρωτά, εύφορον πάσι, το έτος χορήγησον.
Ο Διάκονος.
Ελέησον ημάς, ο Θεός, κατά το μέγα έλεός σου, δεόμεθά σου, επάκουσον και ελέησον.
Ο Χορός Κύριε, ελέησον (γ’) μεθ’ εκάστην Δέησιν.
Ο Διάκονος.
Έτι δεόμεθα υπέρ των ευσεβών και ορθοδόξων χριστιανών.
Έτι δεόμεθα υπέρ του Αρχιεπισκόπου ημών (τού δείνος) και πάσης τής εν Χριστώ ημών αδελφότητος.
Έτι δεόμεθα υπέρ τού ευσεβούς ημών Έθνους, πάσης Αρχής και Εξουσίας εν αυτώ, τού κατά ξηράν, θάλασσαν και αέρα φιλοχρίστου ημών στρατού.
Έτι δεόμεθα υπέρ τού ευλογηθήναι τον νέον ενιαυτόν τής χρηστότητος του Κυρίου και γενέσθαι αυτόν ειρηνικόν και σωτήριον.
Έτι δεόμεθα υπέρ… (και μνημονεύει των υπέρ ών γίνεται η κοπή τής Βασιλόπιττας) των απεκδεχομένων το παρά σού μέγα και πλούσιον έλεος.
Ο Ιερεύς
Ότι ελεήμων και φιλάνθρωπος Θεός υπάρχεις, και σοί την δόξαν αναπέμπομεν, τώ Πατρί και τώ Υιώ και τώ Αγίω Πνεύματι, νύν και αεί και εις τούς αιώνας των αιώνων.
Ο Χορός Αμήν.
Ο Διάκονος. Του Κυρίου δεηθώμεν.
Ο Χορός. Κύριε, ελέησον.
Ο Ιερεύς την Ευχήν.
Κύριε ο Θεός ημών, ο καιρούς και χρόνους εν τη ιδία εξουσία θέμενος και την ζωήν ημών εις χείρας σου διακρατών, επάκουσον ημών δεομένων σου εν τη ευσήμω ημέρα ταύτη, επί τη εισόδω ημών εις τον νέον ενιαυτόν τής χρηστότητός σου, και ευλόγησον τούς πλακούντας τούτους τούς προσφερομένους εις δόξαν σήν και τιμήν τού εν αγίοις Πατρός ημών Βασιλείου τού μεγάλου Αρχιεπισκόπου Καισαρείας τής Καππαδοκίας. Επίβλεψον μεγαλόδωρε εξ ουρανού αγίου σου και κατάπεμψον εφ’ ημάς, τους τε τά δώρα ταύτα ευτρεπίσαντας και τούς εξ αυτών μεταλαμβάνοντας, τάς ουρανίους δωρεάς σου, ότι επί σοί ηλπίκαμεν, τώ ζώντι Θεώ, εις τούς αιώνας. Ευλόγησον τάς εισόδους και εξόδους ημών, πλήθυνον εν αγαθοίς την ζωήν ημών και κατεύθυνον τά διαβήματα ημών προς εργασίαν των θείων σου εντολών, ότι ουκ επ’ άρτω μόνω ζήσεται άνθρωπος.
Πρεσβείαις τής παναχράντου σου Μητρός, τού εν αγίοις Πατρός ημών Βασιλείου τού μεγάλου και πάντων σου των Αγίων.
Ο Χορός. Αμήν.
Ο Ιερεύς την Απόλυσιν
Δόξα σοι, Χριστέ, ο Θεός ημών, δόξα σοι. Ο εν τη ογδόη ημέρα σαρκί περιτμηθήναι καταδεξάμενος, διά την ημών σωτηρίαν, Χριστός ο αληθινός Θεός ημών, ταίς πρεσβείες τής παναχράντου και παναμώμου αγίας αυτού Μητρός, δυνάμει τού τιμίου και ζωοποιού Σταυρού, ικεσίαις τού τιμίου, ενδόξου, προφήτου, Προδρόμου και βαπτιστού Ιωάννου, των αγίων, ενδόξων και πανευφήμων Αποστόλων, των αγίων και δικαίων Θεοπατόρων, Ιωακείμ και Άννης, τού εν αγίοις Πατρός ημών Βασιλείου, Αρχιεπισκόπου Καισαρείας Καππαδοκίας, ουρανοφάντορος τού Μεγάλου, και πάντων των Αγίων, ελεήσαι και σώσαι ημάς, ως αγαθός, φιλάνθρωπος και ελεήμων Θεός.
Δι’ ευχών των αγίων Πατέρων ημών….
Ο Χορός. Αμήν.