ΔΟΞΟΛΟΓΙΑ
ΕΠΙ ΤΗ ΕΘΝΙΚΗ ΕΟΡΤΗ
(Τη 25η Μαρτίου)
Ο Διάκονος
Ευλόγησον, Δέσποτα.
Ο Ιερεύς
Ευλογητός ο Θεός ημών, πάντοτε νύν και αεί και εις τους αιώνας των αιώνων.
Ο Χορός Αμήν.
Απολυτίκιον. Ήχος α’ .
Σώσον, Κύριε, τον λαόν σου, και ευλόγησον την κληρονομίαν σου, νίκας τοίς βασιλεύσι κατά βαρβάρων δωρούμενος, και το σόν φυλάττων, διά τού Σταυρού σου πολίτευμα.
Απολυτίκιον της εορτής. Ήχος δ’ .
Σήμερον τής σωτηρίας ημών το κεφάλαιον, και τού απ’ αιώνος Μυστηρίου η φανέρωσις, ο Υιός τού Θεού, Υιός τής Παρθένου γίνεται, και Γαβριήλ την χάριν ευαγγελίζεται. Διό και ημείς σύν αυτώ τη Θεοτόκω βοήσωμεν Χαίρε, Κεχαριτωμένη, ο Κύριος μετά σού.
Το Κοντάκιον. Ήχος πλ. δ’ . Αυτόμελον.
Τη υπερμάχω στρατηγώ τα νικητήρια, ως λυτρωθείσα των δεινών ευχαριστήρια, αναγράφω σοι η Πόλις σου, Θεοτόκε. Αλλ’ ως έχουσα το κράτος απροσμάχητον, εκ παντοίων με κινδύνων ελευθέρωσον, ίνα κράζω σοι, Χαίρε Νύμφη ανύμφευτε.
Είτα Στίχους εκ τής Δοξολογίας.
Δόξα σοι τώ δείξαντι το φώς. Δόξα εν υψίστοις Θεώ, και επί γής ειρήνη, εν ανθρώποις ευδοκία.
Υμνούμέν σε, ευλογούμέν σε, προσκυνούμέν σε, δοξολογούμέν σε, ευχαριστούμέν σοι, διά την μεγάλην σου δόξαν.
Πρόσδεξαι την δέησιν ημών, ο καθήμενος εν δεξιά τού Πατρός, και ελέησον ημάς.
Ευλογητός εί, Κύριε, ο Θεός των Πατέρων ημών, και αινετόν και δεδοξασμένον το όνομά σου εις τούς αιώνας. Αμήν.
Ευλογητός εί, Κύριε δίδαξόν με τά δικαιώματά σου (άπαξ).
Παράτεινον το έλεός σου τοίς γινώσκουσί σε.
Άγιος ο Θεός, Άγιος Ισχυρός, Άγιος Αθάνατος, ελέησον ημάς (άπαξ).
Ο Διάκονος
Ελέησον ημάς, ο Θεός, κατά το μέγα έλεός σου, δεόμεθά σου, επάκουσον και ελέησον.
Ο Χορός Κύριε, ελέησον (γ’) μεθ’ εκάστην Δέησιν.
Ο Διάκονος
Έτι δεόμεθα υπέρ των ευσεβών και ορθοδόξων χριστιανών.
Έτι δεόμεθα υπέρ του Αρχιεπισκόπου ημών (τού δείνος) και πάσης τής εν Χριστώ ημών αδελφότητος.
Έτι δεόμεθα υπέρ τού ευσεβούς ημών Έθνους, πάσης Αρχής και Εξουσίας εν αυτώ, τού κατά ξηράν, θάλασσαν και αέρα φιλοχρίστου ημών στρατού, και υπέρ τού Κύριον τον Θεόν ημών επί πλέον συνεργήσαι και κατευοδώσαι αυτούς εν πάσιν.
Έτι δεόμεθα υπέρ μακαρίας μνήμης και αιωνίου αναπαύσεως πάντων των εν τοίς ιεροίς ημών αγώσιν υπέρ πίστεως και πατρίδος αγωνισαμένων και πεσόντων και υπέρ τού συγχωρηθήναι αυτοίς πάν πλημμέλημα εκούσιόν τε και ακούσιον.
Ο Χορός Αιωνία η μνήμη (γ’).
Ο Διάκονος
Έτι δεόμεθα υπέρ τού διαφυλαχθήναι την αγίαν Εκκλησίαν και την πόλιν (ή χώραν, κώμην, νήσον) ταύτην και πάσαν πόλιν και χώρα, από λιμού, λοιμού, σεισμού, καταποντισμού, πυρός, μαχαίρας, επιδρομής αλλοφύλων, εμφυλίου πολέμου, και αιφνιδίου θανάτου, υπέρ τού ίλεων, ευμενή και ευδιάλλακτον γενέσθαι τον αγαθόν και φιλάνθρωπον Θεόν ημών, τού αποστρέψαι και διασκεδάσαι πάσαν οργήν και νόσον την καθ’ ημών κινουμένην, και ρύσασθαι ημάς εκ τής επικειμένης δικαίας αυτού απειλής και ελεήσαι ημάς.
Ο Χορός Κύριε ελέησον
κατ’ επανάληψιν (χύμα ως είθισται) πραεία τη φωνή.
Ο Διάκονος
Έτι δεόμεθα και υπέρ τού εισακούσαι Κύριον τον Θεόν ημών φωνής τής δεήσεως ημών των αμαρτωλών και ελεήσαι ημάς.
Ο Χορός Αμήν.
Ο Ιερεύς
Επάκουσον ημών, ο Θεός, ο Σωτήρ ημών, η ελπίς πάντων των περάτων τής γής και των εν θαλάσση μακράν και ίλεως, ίλεως γενού ημίν, Δέσποτα, επί ταίς αμαρτίαις ημών, και ελέησον ημάς. Ελεήμων γάρ και φιλάνθρωπος Θεός υπάρχεις, και Σοί την δόξαν αναπέμπομεν, τώ Πατρί και τώ Υιώ και τώ Αγίω Πνεύματι, νύν και αεί και είς τούς αιώνας των αιώνων.
Ο Χορός Αμήν.
Ο Διάκονος
Τού Κυρίου δεηθώμεν.
Ο Χορός Κύριε, ελέησον.
Ο Ιερεύς την Ευχήν ταύτην
Κύριε ο Θεός ημών, ο τά σύμπαντα τώ σώ κράτει συνέχων και τη θεία σου και πανσθενεί βουλή κυβερνών τον κόσμον, ο ποιήσας εξ ενός αίματος πάν έθνος ανθρώπων κατοικείν επί πάν το πρόσωπον τής γής, εκάστω δε αυτών ορίσας τάς οροθεσίας τής κατοικίας αυτών, ο και το ευσεβές ημών έθνος εξαιρέτως ευεργετήσας, την επίγνωσιν τής σής αληθείας αυτώ χαρισάμενος, προς το φώς τής ορθοδόξου πίστεως καθοδηγήσας και μεγάλους εξ αυτού τη Εκκλησία Πατέρας και Διδασκάλους αναδείξας, ελεύθερον μέν αυτό επί αιώνας διατήρησας, δουλωθέν δε στηρίξας και διασώσας, και εις ελεύθερον αύθις βίον εξανάστησας, Αυτός πανάγιε Δέσποτα, επί τη απελευθερώσει και παλιγγενεσία τού ημετέρου Έθνους, τάς ευχαριστηρίους ημών ταύτας δέξαι προσευχάς και επάκουσον ημών εν πίστει δεομένων σου εκτενώς. Τάς ψυχάς των υπέρ τής Πίστεως και τής Πατρίδος ημών ευκλεώε αγωνισαμένων και ηρωϊκώς πεσόντων ή μαχαίρα και αγχόνη αναιρεθέντων ή εν αιχμαλωσία και κακουχία αποθανόντων πατέρων και αδελφών ημών μετά των απ’ αιώνος σοι ευαρεστησάντων ανάπαυσον, ημάς δε πάντας, ο υπερασπιστής των σωτηρίων ημών, αξίους τής ελευθερίας ανάδειξον και εν ειρήνη δαφύλαξον, Πάσαν Αρχήν και Εξουσίαν εν τώ Κράτει εν ειρήνη και ομονοία διατήρησον, ευστάθειαν τη Εκκλησία και τη Πολιτεία δωρούμενος. Σύ γάρ εί ο άρχων τής ειρήνης και σωτήρ των ψυχών ημών και σοί την δόξαν αναπέμπομεν, τω Πατρί και τώ Υιώ και τώ Αγίω Πνεύματι, νύν και αεί και εις τούς αιώνας των αιώνων.
Ο Χορός Αμήν.
Ο Ιερεύς την Απόλυσιν.
Δόξα σοι, Χριστέ ο Θεός, η ελπίς ημών, δόξα σοι. Ο δι’ ημάς τούς ανθρώπους και διά την ημετέραν σωτηρίαν, εκ Πνεύματος αγίου και Μαρίας της Παρθένου, σαρκωθήναι καταδεξάμενος, Χριστός ο αληθινός Θεός ημών….
Δι’ ευχών των αγίων πατέρων ημών…
Ο Χορός Αμήν.